Кардынал Руоко Варэла: Сусветныя дні моладзі дапамогуць павярнуцца тварам да жыцця
Негледзячы на тое,
што частка ўдзельнікаў Сусветных дзён моладзі ў Мадрыдзе, гэта асобы з мінімальнымі
“рэлігійнымі, маральнымі і этычнымі ведамі”, аднак большасць з іх – людзі, якія жывуць
верай “з большай ці меншай інтэнсіўнасцю”, сказаў кардынал Антоніо Марыя Руоко Варэла
ў інтэрв’ю агенству “Europa press”.
Іерарх з жалем адзначыў, што нават у краіне
з такімі моцнымі каталіцкімі традыцыямі, якой з’яўляецца Іспанія, шмат людзей “не
атрымала рэлігійнага выхавання і мае вельмі нізкі ўзровень ведаў аб праўдах веры”.
Ён выказаў надзею, што “Сусветныя дні моладзі дапамогуць ім павярнуцца тварам да жыцця”
а яны, у сваю чаргу, “будуць дапамагаць сваім сябрам ісці простым і пазітыўным шляхам”.
Кардынал
Руоко Врэла расказаў, што сярод запісаўшыхся для ўдзелу ў форуме, шмат людзей, якія
не практыкуюць веру, але вельмі блізка сябруюць з хрысціянамі. На мерапрыемстве чакаюцца
таксама групы праваслаўных вернікаў з Цэнтральнай і Усходняй Еўропы.
Іерарх
заўважыў, што хоць удзел Бэнэдыкта XVI у Сусветных днях моладзі можа быць для яго
складаным фізічна, аднак “духоўная і душпастырская радасць, якую дасць яму спатканне
з моладзю, кампенсуюць ўсе цяжкасці”.