Біскуп Осла спадзяецца на пераасэнсаванне пасля тэрактаў
Каталіцкі Біскуп Осла
Бернт Эйдсвіг, выказаў надзею, што бойня на нарвежскім востраве Утэя, прынясе таксама
і станоўчы эфект. “Не трэба рабіць эмігрантаў хутка і неабдумана адказнымі за негатыўныя
працэсы ў грамадстве”, - сказаў іерарх, які знаходзіцца з візітам у нямецкім Вюрцбургу.
Гэтыя людзі павінны інтэгравацца “як сябры і суседзі”.
Паводле меркавання
біскупа, забойца меў “унутраны прымус”, які праявіўся як “нянавісць да мусульман і
мультыкультурнага грамадства”. “Калі б не існавала тэмы ісламізму, ён знайшоў бы яшчэ
нешта, на што б накіраваў сваю нянавісць”, - сказаў біскуп Эйдсвіг. Іерарх пракаментаваў
таксама спробы патлумачыць злычынствы з’явай хрысціянскага фундаменталізму, і ўскладанне
частковай адказнасці, у сувязі з гэтым, на правыя партыі і палітычныя рухі. На яго
думку, заявы тэрарыста маюць псеўдахрысціянскі і папулісцкі характар, і не характэрныя
для еўрапейскіх хрысціянскіх партый.
Што тычыцца тэмы ісламафобіі, біскуп
адзначыў, што каля адной трэцяй эмігрантаў у Нарвегіі з’яўляюцца католікамі, у асноўным
з Польшчы, Літвы і Філіпін. У сувязі з гэтым, такая з’ява можа тлумачыцца хутчэй псіхалагічнымі,
а не ідэалагічнымі матывамі.