Кардынал Кох: я бачу экуменічную салідарнасць у Нарвегіі
Кардынал Курт Кох,
старшыня Папскай рады спрыяння хрысціянскаму адзінству знаходзіцца з візітам у Нарвегіі,
з нагоды свята св. Олафа, апякуна краіны. 29 ліпеня ён узначаліў св. Імшу у катэдральным
касцёле у Трондхэйме. Іерарх таксама прыняў удзел у лютэранскім набажэнстве, што прайшло
у гэтай жа святыні. У інтэрв’ю нашаму радыё кардынал Кох адзначыў, што у цяжкі для
Наргвегіі час ён хоча выразіць сваю салідарнасць і перш за ўсё салідарнасць Святога
Айца, а таксама злучыцца з нарвежскім народам у дзень святкавання свята іх нябеснага
апякуна.
“Я бачу што існуе моцная салідарнасць паміж рознымі рэлігійнымі супольнасцямі.
У касцёлах заўсёды запалены знічы, якія з’яўляюцца сімвалам малітвы: я хачу падкрэсліць,
што ёсць сапраўдная экуменічная салідарнасць у малітве, у такія трагічныя для краіны
часы”, сказаў іерарх.
Кардынал адзначыў, што ў Нарвегіі існуе вельмі вялікая
пашана да св. Олафа як з боку Каталіцкага Касцёла, так і з боку Лютэранскай Царквы.
“Св. Олаф жыў у ХІ ст., калі Касцёл яшчэ не быў падзелены, таму яго можна лічыць сапраўдным
экуменічным апякуном”, сказаў кардынал Кох.