Ռմբակոծումները Լիպիոյ Մէջ Կը Շարունակուին Հակառակ Ռամատանի Մօտենալուն.
Թրիփոլիի առաքելական տեղապահը իր ցաւը կը յայտնէ ի տես Ատլանտեան ուխտի ու Եւրոպայի
անտարբերութեան ։ Թրիփոլիի առաքելական տեղապահը` գերապայծառ Մարթինելլի իր
ցաւը յայտնած է Ատլանտեան ուխտի ու Եւրոպայի անտարբերութեան ի տես զինադադարին` Ռամատանի
իսլամական նուիրական ամսոյն առթիւ։ Բոլոր լիպիացիներու համար Ռամատանը կը մնայ նուիրական
ամիս մը եւ այդ զգացումը պէտք է որ յարգուի։ Ատլանտեան ուխտը իր կարգին յայտնած է թէ
կարելի է յարգել Ռամատանը պայմանաւ որ Մուամմար էլ Գատաֆիի ոյժերը իրենց կարգին յարգեն
զինադադարը։ Թրիփոլիի առաքելական տեղապահը միաժամանակ դիտել տուած է որ Լիպիոյ դէմ
շարունակուող ռմբակոծումները չեն թուիր նպատակդրել լոկ զինուական թիրախներ այլեւ քաղացիական
նշաններ, ինչպէս վերջերս ռմբակոծուած են կերակուրի մթերանոցներ ու ընկերային կեդրոններ։
՜՜Ի՞նչ իրաւունքով կը ռմբակոծուին կերակուրի մթերանոցներ՝՝ հարց տուած է գերապայծառ Մարթինելլի,
ընգծելով թէ բնակիչները հոգեբանական ճնշումի ենթարկուած են Ատլանտեան ուխտի մշտատեւ թռիչքներու
պատճառաւ։