Papa: qyteti i tij, Traunstein, ku kremtoi Meshën e parë i jep ‘unazën e nderit’.
Me rastin e 60 vjetorit të meshtarisë së Benediktit XVI, një delegacion i qytezës
së Baravisë, Traunstein, vend ku Jozef Ratcinger pat kremtuar Meshën e parë më 8 korrik
1951, nesër në shenjë nderimi do t’i dorëzoje Papës çmimi ‘unaza e nderit’ e do t’i
kushtoje një koncerti që do të ekzekutohet në Pallatin Apostolik në Kastelgandolfo.
Në ceremoninë që do të mbahet nesër në ora 18.00, Atit të Shenjtë Jozef Ratcinger
do t’i dorëzohet “unaza e nderit” nga zona e Traunsteinit, një çmim i lartë themeluar
më 1969 e që deri më tani i është dhënë vetëm shtatë personaliteteve për veprimtarinë
e tyre që kanë bërë për bashkësinë lokale. Unaza është realizuar nga mjeshtri argjendar
August Pechermeier e nga djali i tij Philipp, e i shtohet mirënjohjeve tjera që qyteza
bavareze i ka akorduar Papës Ratcinger, si shpallja ‘qytetar njeri’ në shkurt të vitit
2006, e emërtimi i një sheshi. Traunstein është posaçërisht vend familjar për Papën
Benediktit XVI, sepse këtu ka kaluar fëmijërinë e rininë. Kujtojmë se Ati i Shenjtë
Jozef Ratcinger është shuguruar meshtar më 29 qershor 1951, në moshën 24 vjeçare,
së bashku me të vëllain e madh don George, nga kryeipeshkvi i Mynihut, Micheale von
Faulhaber.