Кардынал Пауль Ёзэф
Кордэс, ватыканскі іерарх нямецкага паходжання, назваў маючы адбыцца візіт Папы ў
Германію “эпахальнай падзеяй”. Ганаровы старшыня Папскай рады “Cor Unum” выказаў спадзяванне,
што яго суайчыннікі сустрэнуць Бэнэдыкта XVI з “даверам”. Святы Айцец прыбудзе ў Германію
22 верасня гэтага года.
“Мы не павінны дазволіць, каб нас пахлынула раздражненне.
Трэба адкрыць наша ўнутранае вуха на яго пасланне”, - звярнуўся кардынал да суайчыннікаў,
каментуючы крытыку маючага адбыцца выступлення Папы ў Бундэстагу з боку некаторых
нямецкіх палітыкаў. Ён высока ацаніў Святога Айца, як “яснага пераказчыка сапраўднага”
і “аўтарытэтнага настаўніка тэалогіі і духоўнага пастыра”. Бэнэдыкт XVI – гэта той,
“хто дае нашаму народу і ўсяму свету вялікую ласку”.
Кардынал Кордэс спаслаўся
на два раней апублікаваных тамы кнігі “Езус з Назарэта”. На яго думку, ніводзін з
Наступнікаў св. Пятра не ўнёс такі вялікі ўклад у навуковы дыскурс, як цяперашні Папа.