L’Osservatore Romano paraqet librin e ri të vëllaut të Papës: autobiografi, në të
cilën meshtari-muzikant flet edhe për Benediktin XVI.
L’Osservatore Romano paraqiti këto ditë librin e ri të vëllait të Papës, don Georg
Racinger, në të cilin meshtari gjerman përshkruan gjithë rrugën e jetës së tij,
por pa harruar edhe rrugën njerëzore e meshtarake të të vëllaut, që do të bëhej Papa
Benedikti XVI. Vëllimi, titulluar: “Mein Bruder, der Papst” (Vëllai im, Papa),
u përgatit nga mons. Georg Racinger, në bashkëpunim me gazetarin e shkrimtarin
gjerman, Mikael Heseman. Ka 256 faqe, fryt – lexohet në të përditshmen e
Selisë së Shenjtë – i një sërë bisedimessh, bërë gjatë këtij viti në Regensburg, gjatë
të cilave vëllau i madh i Papës i tregoi bashkëbiseduesit kujtimet e një jete të gjatë,
jo të zakonshme!