Ս. Էջմիածին Կ՛ողջունէ Միացեալ Նահանգներու Քոնկրէսին Մէջ Ընդունուած Փաստաթուղթը։
Ս. Էջմիածին ողջունած է Միացեալ Նահանգներու Քոնկրեսի մէկ յանձնախումբին 21 յուլիսին
ընդունած փաստաթուղթը, ըստ որուն` Թուրքիոյ իշխանութիւններուն կոչ կ՛ուղղուի` հայերէն,
յոյներէն եւ ասորիներէն բռնագրաւուած եկեղեցիներն ու վանքերը վերադարձնելու իրենց տէրերուն: Այս
առընչութեամբ Ս. Էջմիածինի տեղեկատուական համակարգի տնօրէն Վահրամ քհնյ. Մելիքեան ըսած
է որ եթէ Պոլսոյ հայոց պատրիարքարանը չ՛ուզեր քննարկել այդ հարցը եւ մեկնաբանութիւն չունի
անոր` ատիկա չի նշանակեր, թէ իրենք չեն ուզեր ետ ստանալ այդ եկեղեցիները: Պէտք է նկատի
ունենալ, թէ ինչպիսի՛ պայմաններու մէջ կը գործէ Պոլսոյ հայոց պատրիարքարանը, ինչպիսի՛
կրօնական ու ազգային տրամադրութիւններ կան Թուրքիոյ մէջ նշած է Տէր Վահրամ աւելցնելով.
՜՜ Մենք մեր կարգին , իրենց պէտք է որոշակիօրէն ապահովութեան մէջ դնենք, որպէսզի իրենք
այդ խնդիրներուն մէջ չներքաշուին՝՝: Մամլոյ ասուլիսին մասնակցած է նաեւ` Հայկական
ճարտարապետութիւնը ուսումնասիրող հիմնադրամի նախագահ Սամուէլ Կարապետեան, որ իր կարգին
նշեց, թէ՝ ըստ 1911-1912-ի Պոլսոյ պատրիարքարանի կազմած միայն գործող եկեղեցիներու ցանկին,
Արեւմտեան Հայաստանի տարածքին կայ 2400 եկեղեցի: Այդ եկեղեցիներէն այժմ կը գործէ միայն
40-ը: Սակայն ցանկին մէջ տեղ չգտած, չգործող եկեղեցիներուն, վանքերուն ու մատուռներուն
թիւը Արեւմտեան Հայաստանի մէջ քանի մը անգամով աւելի շատ էին