Հ Հ Վարչապետ՝ Տիգրան Սարգսեան Կ՝ըսէ .՜՜ Մենք Պէտք է Կարենանք Կասեցնել Արտագաղթի Բացասական
Ընթացքը՝՝։
Հայաստանի վարչապետ Տիգրան Սարգսեան 22 յուլիսին Արագածոտնի մարզ կատարած այցելութեան
ընթացքին Օշականի դպրեվանքին մէջ հանդիպած է Հայաստանի գրողներու միութեան նախագահութեան
եւ մտաւորականներու հետ: Հանդիպման ներկայ եղած են Հայաստանի մշակոյթի նախարար Յասմիկ
Պօղոսեան եւ Գրողներու միութեան նախագահ Լեւոն Անանեան: Կառավարութեան ղեկավարը անդրադարձած
է արտագաղթի նիւթով խումբ մը մտաւորականներու մտահոգութիւններուն եւ պատասխանած զանոնք
յուզող հարցերուն: Հայաստանի վարչապետին համաձայն, արտագաղթը մշտապէս կը գտնուի կառավարութեան
ուշադրութեան կեդրոնը, քանի որ 1991-էն ի վեր մեր երկրին մէջ գոյութիւն ունի ժողովրդագրական
լուրջ խնդիր: Յիշելէ ետք որ Հայաստանի բնակչութեան թիւը որ երեք միլիոն է իսկ արտերկրի
մէջ անոր երկու անգամը Սարգսեան ըսաւ որ ՜՜անիկա նաեւ հայ ազգի տաղաշարժելու կարողութիւն
ունենալու վկայութիւնն է. անշուշտ պէտք է ընդգծել նաեւ, որ արտագաղթին նպաստող միւս
գործօնն ալ աշխատատեղերու անբաւարար թիւն է։ Անշուշտ երբ երկրին մէջ ապահովուեցաւ
մաքրօ-տնտեսական կայունութիւն, սկսան գրանցուիլ տնտեսական աճի ցուցանիշներ` երկիրը լքողներու
թիւը նուազեցաւ։ ՜՜Մենք պէտք է կարողանանք կասեցնել արտագաղթի բացասական ցուցանիշը եւ
հասնենք դրական ցուցանիշների: Այդ նպատակին է միտուած նաեւ սփիւռքի նախարարութեան ձեւաւորումը,
որը մշակել է մի քանի տասնեակ ծրագրեր, որոնց նպատակն է` ամրապնդել սփիւռքահայութեան
հետ կապը, ստեղծել աշխատատեղեր եւ համապատասխան պայմաններ, որպէսզի մեր հայրենակիցները
հնարաւորութիւն ունենան ժամանել Հայաստան: Այդ նպատակով կառավարութիւնը մշակել եւ Ազգային
ժողովին է ներկայացրել հայրենադարձութեան վերաբերեալ օրէնք, որով պետութիւնն ստանձնելու
է պարտաւորութիւններ` մեր հայրենակիցների նկատմամբ` ստեղծել այնպիսի միջավայր, որպէսզի
նրանց համակերպումը մեր երկրի պայմաններին լինի հնարաւորին չափ հեշտ եւ կարճ ժամկէտում»,
եզրափակած է վարչապետ Տիգրան Սարգսեան: