Մատրիտի Երիտասարդութեան Համաշխարհային Օրերը Կը Մօտենան
Մի քանի շաբաթէն, աւելի քան կէս միլիոն երիտասարդներ, աշխարհի բոլոր երկիրներէն, նոյնիսկ
Մայր Հայրենիքէն` Հայաստանէն, ղեկավարութեամբ Յովսէփ ծայրագոյն վարդապետ Քէլէքեանին,
Սպանիոյ մայրաքաղաքը պիտի հասնին (JMJ)ի Երիստասարդութեան համաշխարհային հաւաքին առթիւ
որ տեղի պիտի ունենայ 16-21 օգոստոս 2011։ Անոնք ուրախութիւնը պիտի ունենան միասնաբար
աղօթելու, երգելու, ու միատեղ իրենց հաւատքի դաւանանքը հռչակելու։ Մատրիտի հաւաքը` երիտասարդութեան
համաշխարհային 12-րդ օրը, առիթ կ'ընծայէ սպանացիներուն որ երիտասարդ ուխտաւորներուն հաղորդեն
իրենց մշակոյթը ու կրօնական հարստութիւնները, ճանապարհ խաչին եւ կէսօրուան հանգիստը։
Արդարեւ Մատրիտի JMJ-ի գործադիր տնօրէնը մատնանշած է թէ առաւօտեան կրօնուսուցումէն ետք,
մշակութային յայտագիրը պիտի սկսի երեկոյեան ժամերուն։ Նշենք թէ կէսօրուան աւանդական
հանգիստի պատճառը ՜՜անողորմ արեւն է՝՝, որուն ջերմաստիճանը կը բարձրանայ մինչեւ 40 աստիճան։ Խաչի
Ճանապարհը - Ուրբաթ երեկոյեան երիտասարդ ուխտաւորները պիտի մասնակցին յատուկէն պատրաստուած՝
ճանապարհ խաչի մը, որուն կայաններու խորհրդանիշերը բերուած են Սպանիոյ բոլոր մարզերէն։ Ասիկա
երկրորդ անգամն է որ JMJ-ն Մատրիտ կը կազմակերպուի։ Առաջինը եղաւ 1989ին։ Ամէն
JMJ՝ իր իւրայատուկ յայտագիրը ունեցած է։ Այս տարի երիտասարդները կարելիութիւն ունին
պատրաստուելու՝ 2011-ի՝ JMJ-ին, ֆեյսպուքի շնորհիւ, որուն արդէն իսկ արձանագրուած են,
աւելի քան 300 հազար ուխտաւորներ։