“L’Osservatore Romano” прысвяціла вялікі артыкул кардыналу Свёнтку
У сённяшнім нумары
ватыканскага выдання “L’Osservatore Romano” змешчаны вялікі артыкул прысвечаны памерламу
ўчора кардыналу Казіміру Свёнтку. “Дрэва непахіснае ў хвіліну шторма”, “ікона постсавецкага
каталіцызму”, “сімвал адраджэння Касцёла і надзеі”, “моцны сведак Хрыста” - такім
беларускія католікі памятаюць кардынала Свёнтка”, - піша ватыканскае выданне.
“Каб
зразумець кардынала неабходна памятаць аб адвазе яго бацькоў Яна і Веранікі, якія
далі яму першую хрысціянскую адукацыю, негледзячы на небяспеку, што прынесла рэвалюцыя
1917 г. - адзначаецца ў артыкуле - Ахрышчаны ў Рызе, у Латвіі, ён меў толькі тры
гады калі яго сям’я была дэпартавана ў Сібір”. “Савецкі Саюз у гады Сталіна быў нічым
іншым як вялікім ГУЛАГам, бясконцай агароджай з калючага дроту. Я меў толькі некалькі
месяцаў нармальнага святарскага жыцця, аб якім пішуць у падручніках па пастаральнай
тэалогіі”, - цытуе словы кардынала “L’Osservatore Romano”. Ватыканскае выданне распавядае,
аб пераследах, якія перажыў беларускі іерарх, аб двухмесячным прабыванні ў камеры
“смяротнікаў” у Брэсце, аб гадах вайны, сталінскіх лагерах, пастрырскай дзейнасці
ў часы камуністычнай дыктатуры і адраджэнні Касцёла ў Беларусі.
“Ён меў 80
гадоў калі Ян Павел ІІ зрабіў яго кардыналам, а праз дзесяць гадоў, ён асабіста ўручыў
беларускаму іерарху прэмію “Fidei testis” (“Сведак веры”)”, - адзначаецца ў артыкуле.
“Аб ім кардынал Дзяржсакратар Тарчызіо Бэртонэ, у інтэрв’ю “L’Osservatore Romano”
ў чэрвені 2008 г. сказаў: “Гэты вялікі старац, які шмат пакутаваў у жыцці, працягвае
працаваць з незвычайнай моцай; працаваць як апостал, рэалізуючы пастырскія задумы
з уражваючым запалам”, - узгадваецца ў ватыканскім выданні.