Ոչ Եւս Է Կարտինալ Գազիմիրզ Զվիաթէք՝ Մինսքի Երբեմնի Արքեպիսկոպոսը։

Մինսքի Լատիններու երբեմնի արքեպիսկոպոս Կարտինալ Գազիմիրզ Զվիաթէք 21 յուլիսի առաւօտուն 97 տարեկանին կնքեց իր մահկանացուն։Յուղարկաւորութեան արարողութիւնը տեղի կ՛ունենայ յառաջիկայ 25 յուլիսի ժամը 12ին Մինսքի Մայր Տաճարին մէջ։ Կարտինալ Զվիաթէքի մահով, այժմ Կարտինալական դասը 196 կարտինալներէ կազմուած է, որոնցմէ 114 ընտրող կարտինալներ են եւ 82ը՝ որոնց տարիքը ութսուն տարեկանէն վեր է, ոչ ընտրող։

Կարտինալ Գազիմիրզ Զվիաթէք ծնած էր 21 հոկտեմբեր 1914-ին Վալկայի մէջ։
8 ապրիլ 1939-ին կուսակրօն քահանայ ձեռնադրուած է։ Կեանքի ընթացքին իր հաւատքին համար բանտարկուած է ու Սովետական կուլակներու մէջ բռնի աշխատանքի ենթարկուած։ 1991-ի ապրիլ 13ին Մինսքի արքեպիսկոպոս կը նշանակուի, եւ 21 մայիսին կը ստանայ Եպիսկոպոսական օծումը։
1994-ի նոյեմբեր 26-ին ՝ ՅՊԲ. երջանկայիշատակ Քահանայապետը զինք Կարտինալական աստիճանին կը բարձրացնէ։
2006-ին՝ տարիքի բերումով կը հրաժարի առաջնորդի պաշտօնէն ու մինչեւ իր մահը կը մնայ իր թեմին մէջ շարունակելով հովուական առաքելութիւնը։

՜՜Սուրբ Հոգւոյ Խոզկաղնի` ծառը որ ամուռ տոկաց փոթորիկին։Սովետական Միութեան շրջանի Կաթողիկէութեան Տիպարը ու եկեղեցւոյ վերակառուցման խորհրդանիշն ու յոյսը։ Քրիստոսի անսասան Վկայ։Այս բառերով է է որ Պիէլոռուս կաթողիկէները կը յիշեն Կարտինալ Զվիաթէքը։

Ծիռանաւորի մահուան ի լուր Պենետիկտոս ԺԶ Սրբազան Քահանայապետը Պիէլոռուսիոյ եպիսկոպոսական Համահաւաք դասի նախագահին ցաւակցական հեռագիր մը յղած է, որուն մէջ յայտնած է իր մօտիկութիւնը, ու վեր առած է Կարտինալ Զվիաթէքի քաջ ու արաքինի կենցաղը։