Papa dërgon ndihmë për popullsitë e goditura nga fatkeqësia natyrore në Bririn e Afrikës.
Siç ka kujtuar Ati i Shenjtë Benedikti XVI në thirrjen e tij që shqiptoi pas lutjes
së Engjëllit të Tënzot të dielën më 17 korrik, kriza e thellë e urisë që ka shkaktuar
thatësira në Bririn e Afrikës është duke krijuar një emergjencë tejet të rëndë humanitare.
Afër 10 milion janë të prekur nga kjo fatkeqësi natyrore, me qindra mijëra refugjatë
që rrezikojnë të vdesin për mungesë të ushqimit për mbijetesë. Somalia e Kenia veriore
janë zonat më të goditura. Si shenjë e afërsisë së tij Papa, përmes Këshillit
Papnor “Cor Unum”, ka dërguar ndihmën e parë prej 50.000 Eurosh imzot Giorgio Berton,
Administratorit Apostolike të Mogadishos, që është i angazhuar drejtpërdrejtë në shpërndarjen
e ndihmave popullsive të goditura nga kjo fatkeqësi natyrore.