ԵԱՀԿ-ի Համանախագահները այսօր Երեւանի Մէջ Հանդիպում Ունեցան Նախագահ Սարգսեանի Հետ։

ԵԱՀԿ-ի Մինսքի խմբակի համանախագահներ Ռոպըրթ Պրատքէ (Միացեալ Նահանգներ), Պեռնար Ֆասիէ (Ֆրանսա) եւ Իկոր Փոփով (Ռուսիա) Պաքուէն մեկնելով հասան Երեւան:
Ազրպէյճանական «Թրենտ» լրատու գործակալութիւնը շաբաթ օր հաղորդեց, որ Ռոպըրթ Պրատքէ Պաքուի մէջ յայտարարած է որ ՝՝Միացեալ Նահանգներ հաւատարիմ կը մնան տագնապի շուրջ խաղաղ համաձայնագիրի ձեռքբերման՝՝:

«Անցեալ շաբաթ Միացեալ Նահանգներու արտաքին գործոց նախարար Հիլըրի Քլինթըն զրոյցներ ունեցած է Հայաստանի եւ Ազրպէյճանի նախագահներուն հետ` անոնց կոչ ուղղելով վաւերացնելու ղարաբաղեան տագնապի լուծման խաղաղ համաձայնագիրի հիմնարար սկզբունքները», ըսած է Ռոպըրթ Պրատքէ: