Së shpejti Basha betohet para Këshillit të ri Bashkiak të Tiranës
Më 25 korrik do të zhvillohet mbledhja e parë e Këshillit të ri Bashkiak të Tiranës.
Mbledhja është thirrur nga sekretari i Këshillit Bashkiak të Tiranës, Vladimir Gjonaj.
Në këtë mbledhje, kryetari i ri i bashkisë së kryeqytetit, Lulzim Basha do të bëjë
betimin para anëtarëve të rinj. Vetëm pas betimit të Lulzim Bashës si kryetar i ri
i bashkisë së Tiranës, Edi Rama mund të thirret ish kryetar, pasi zyrtarisht ai mban
detyrën deri të hënën. Sipas Ligjit për organizimin dhe funksionimin e pushtetit vendor,
Rama e lë zyrtarisht detyrën që e ka marrë që në vitin 2000, pasi bën betimin kryetari
i ri i Bashkisë, Lulzim Basha. “Ushtrimi i mandatit të kryetarit të komunës ose bashkisë
fillon në çastin kur bën betimin dhe përfundon kur bën betimin kryetari pasardhës”,
thuhet në Ligjin për pushtetin vendor.