Украіна: дзяржава хоча рэгуляваць паломніцкую сферу
У Вярхоўнай Радзе
Украіны зарэгістраваны праект закона “Аб паломніцтве”, які прадугледжвае рэгуляцыю
сферы паломніцкіх паездак. Асноўнае новаўвядзенне, прадугледжанае ў дакуменце – стварэнне
спецыяльных тураператараў, якія будуць займацца выключна арганізацыяй рэлігійных паездак,
паведамляе ўкраінскі выпуск газеты “Коммерсант”.
Каб адкрыць такое агенцтва,
яго капітал павінен складаць не менш за 20 тыс. еўра ў выпадку, калі кампанія будзе
арганізоўваць паездкі за мяжу, і 10 тыс. еўра, калі паломніцтва будзе праводзіцца
ў межах Украіны. Гэтыя сумы будуць неабходны для кампенсацый паломнікам ў выпадку
непрадбачаных сітуацый: адмены паездкі, адсутнасці месцаў у гатэлі і г.д. Акрамя таго,
закон прадугледжвае абавязковае страхаванне паломнікаў.
Ва Украінскай Праваслаўнай
Царкве Маскоўскага Патрыярхату да дакумента паставіліся негатыўна. “Паломніцтва –
гэта не турызм, таму займацца ім павінны выключна царкоўныя арганізацыі. Стварэнне
нейкіх турфірм, выпустошвае само паняцце паломніцтва, якое прадугледжвае не толькі
агляд славутасцяў, але і малітву”, - заявілі там. На думку прадстаўнікоў Царквы, гэты
дакумент можа хіба што толькі паспрыяць развіццю “рэлігійнага турызму”, калі людзі
проста ездзяць па вядомых рэлігійных месцах, не разумеючы іх значэння.