Італьянскія каталіцкія іерархі сустрэліся з Патрыярхам Кірылам
13 ліпеня ў Міраваранай
палаце Патрыяршага палаца ў Маскоўскім Крамлі Патрыярх Маскоўскі і ўсяе Русі Кірыл
прыняў дэлегацыю італьянскай дыяцэзіі Трэнта на чале з арцыбіскупам Луіджы Брэсанам,
паведамляе прэс-служба Маскоўскага Патрыярхата. Падчас размовы італьянскія госці падкрэслілі,
што гісторыя сяброўскіх сувязяў паміж Маскоўскім Патрыярхатам і дыяцэзіяй Трэнта ўзыходзіць
да 1975 г., калі афіцыйная дэлегацыя Рускай Праваслаўнай Царквы ўпершыню наведала
гэту італьянскую дыяцэзію для ўдзелу ў праваслаўна-каталіцкім тэалагічным пасяджэнні.
Арцыбіскуп
Луіджы Брэсан таксама распавёў пра тое, што ў горадзе Ровэрэто прыходу Рускай Праваслаўнай
Царквы быў перададзены ў карыстанне касцёл, у якім зараз вядзецца рэканструкцыя.
Патрыярх
падзякаваў гасцям за шматгадовае плённае супрацоўніцтва, асабліва падкрэсліўшы важнасць
душпастырства сярод рускіх, украінцаў, малдаван, якія апынуліся ўдалечыні ад Радзімы.