Польскі дыпламат: абвясціць Яна Паўла II апекуном Еўропы
Пасол Польшчы пры
Апостальскай Сталіцы Ганна Сухоцка прапанавала абвясціць бл. Папу Яна Паўла II апекуном
Еўропы. Падчас св. Імшы на распачацце прэзідэнцтва Польшчы ў Еўрасаюзе, якую ўзначаліў
12 ліпеня ў базыліцы св. Пятра сакратар па адносінах з дзяржавамі арцыбіскуп Дамінік
Мамберці, у прысутнасці паслоў іншых дзяржаў, Ганна Сухоцка выказала жаданне, каб
польскі Папа мог шанавацца ўсімі як “заступнік Еўропы, адзінай і здольнай дыхаць поўнай
грудздзю”.
Нагадаем, што ў канцы чэрвеня, пасля беатыфікацыі Яна Паўла ІІ,
да папы Бэнэдыкта XVI ўжо звярталіся з просьбай зрабіць яго папярэдніка апекуном электронных
СМІ. Просьба паступіла ад старшыні Асацыяцыі рымскіх хранікёраў Рамана Бартоліні падчас
уручэння Святому Айцу залатога медаля, выпушчанага ў гонар 100-гадовага юбілею гэтага
найстарэйшага ў Італіі журналісцкага аб'яднання.