У французскім санктуарыі
Маці Божай у Лурдзе ад гэта часу будзе захоўвацца рэліквія бл. Яна Паўла II (1978-2005
г.г.). Фрагмент сутаны, якую Папа меў на сабе падчас замаху 13 мая 1981 г. на плошчы
св. Пятра, прыбыў у санктуарый у сераду 13 ліпеня. Ян Павел II наведваў Лурд некалькі
разоў, ён здзейсніў сюды свой апошні 104-ы замежны візіт у 2004 г.
Рэліквія
была дастаўлена ў Лурд з Рыма. Мясцовы біскуп Жак Пер'е пакуль не вырашыў, у якой
частцы санктуарыя яна будзе захоўвацца.
Папа Ян Павел II неаднаразова падкрэсліваў
сваю ўпэўненасць, што менавіта Божая Маці выратавала яго ад смерці. 13 мая 1917 г.
– першы дзень аб'яўленняў Маці Божай у Фаціме ў Партугаліі.