Каталіцкія біскупы
Аўстраліі выказалі сваю падтрымку ўраду краіны ў пытаннях звязаных з жыццём і дзейнасцю
інвалідаў. У адмысловай заяве іерархі выказваюць задавальненне ў сувязі са зменамі
ў нацыянальнай сістэме страхавання на выпадак інваліднасці. “Новая сістэма накіравана
на паляпшэнне паслуг для людзей з абмежаванымі магчымасцямі і іх сем'яў”, - адзначылі
іерархі. Аўстралійскія біскупы лічаць, што “людзі з абмежаванымі магчымасцямі павінны
поўнасцю ўдзельнічаць у грамадскім жыцці краіны”. “І таму, будзем спадзявацца, што
новая сістэма страхавання дасць большыя магчымасці і больш якасных паслуг для людзей
з абмежаванымі магчымасцямі”, - сцвярджаюць іерархі.
У заяве падкрэсліваецца,
што новая сістэма страхавання гарантуе лепшы доступ, большы выбар і кантроль над паслугамі,
якімі карыстаюцца такія асобы.
Паводле мясцовага біскупа Эўжэна Харлі, новая
сістэма гарантуе фінансаванне лячэння асноўных хвароб людзей з абмежаванымі магчымасцямі,
уключна з тэрапіяй і доступам да грамадскіх паслуг. “Урад краіны, - адзначыў іерарх,
- абвязаны гарантаваць рэалізацыю правоў усіх грамадзян, у тым ліку асоб з абмежаванымі
магчымасцямі”.