З 15 па 19 ліпеня
арцыбіскуп Барселоны, кардынал Луіс Мартінес Сісташ наведае Украіну па запрашэнні
Вярхонага арцыбіскупа Кіева-Галіцкага Святаслава Шаўчука. Кіраўнік грэка-каталіцкай
Царквы Украіны сказаў, што “запрасіў арцыбіскупа Барселоны, каб адзначыць патрымку
і пастырскі клопат, якія на працягу апошніх гадоў Барселонская архідыяцэзія аказвае
ўкраінскай грэка-каталіцкай супольнасці, пражываючай у іспанскай сталіцы, а таксама
за клопат пра грэка-каталіцкіх семінарыстаў, якія рыхтуюцца да атрымання святарскіх
пасвячэнняў у духоўнай семінарыі Барселоны”.
Дзякуючы гэтаму візіту, кардынал
Мартінес Сісташ зможа “бліжэй пазнаёміцца з украінскім народам і Грэка-каталіцкай
Царквой і асабіста ацэніць шлях веры украінскага народу”, - сказаў арцыбіскуп Шаўчук.
У
паведамленні Грэка-каталіцкай Царквы адзначаецца, што галоўнай мэтай візіту будзе
“устанаўленне больш цесных братэрскіх адносін паміж двума мясцовымі Касцёламі”. 15
ліпеня карыднал Сісташ прыбудзе ў Львоў – гістрарычную сталіцу ўсходняга хрысціянства
на Украіне – дзе наведае Сабор св. Юра, Каталіцкі ўніверсітэт і духоўную семінарыю.
У нядзелю, 17 ліпеня, іерарх прыбудзе ў Кіеў, дзе наведае шматлікія рэлігійныя ўстановы
і сустрэнецца з арцыбіскупам Кіева-Галіцкім на пенсіі, кардыналам Любамірам Гузарам.