Alarmi i OKB-së dymbëdhjetë milionë njerëz të kërcënuar nga vdekja për shkak të urisë.
Kombet e Bashkuara përsërisin thirrjen për të ndihmuar 12 milion njerëz, pjesa më
e madhe e të cilëve janë fëmijë, që rrezikojnë seriozisht vdekjen nga uria që ka shkaktuar
thatësira e madhe në Bririn e Afrikës. Sipas deklaratave të djeshme në Gjenevë të
relatorit të ushqimit, Oivier De Schutte, thatësira aktualisht godet 3,2 milion njerëz
në Kenia, 2,6 milion në Somali, 3,2 milion në Etiopi e 117.000 në Xhibutì, Vende ku
është vështirë të verifikohen të dhënat, ndërsa në pjesën tjetër të rajonit vlerësohet
se janë mbi tre milion njerëz që jetojnë në të njëjtat kushte teje të rënda për mungesë
buke e uji. De Shutter saktësoi se në shumë zona të Bririt të Afrikës ekziston një
numër shumë i lartë i njerëzve që janë keq të ushqyer, të cilëve u mungon një kafshatë
buke për mbijetesë e këta janë 30 për qind fëmijë. Posaçërisht dramatike është situata
në Somali, ku mase gjysma e popullsisë përbëhet nga emigrimet e brendshme dhe refugjatët
nga jashtë që ka shkaktuar lufta civile.