Արամ Ա. Կաթողիկոս Կ՝ընդունի Հայաստանի Նոր Նշանակուած Արքեպիսկոպոսը Ռաֆայէլ Մինասեանը։
Երկուշաբթի, 11 յուլիս 2011-ին, Արամ Ա. Կաթողիկոս ընդունեց Հայաստանի նոր նշանակուած
Հայ Կաթողիկէ Արքեպիսկոպոս հայր Ռաֆայէլ Մինասեանը, որուն կ՛ընկերանար լիբանանահայ մտաւորական
Սարգիս Նաճարեան: Հայր Ռաֆայէլ Վատիկանի կողմէ վերջերս նշանակուած է՝ Հայաստանի, Վրաստանի
եւ Ռուսիոյ Հայ Կաթողիկէ համայնքներու Արքեպիսկոպոս: Վեհափառը ողջունեց հայր Ռաֆայէլին
նշանակումը սոյն պաշտօնին եւ ըսաւ. «Վստահ ենք, որ ձեր այս պատասխանատուութեան ճամբով
ձեր մասնակցութիւնը պիտի բերէք Հայաստանի վերաշինութեան, հզօրացման ու Հայաստան-սփիւռք
գործակցութեան ծաւալման գործին»: Նոյն օրը, վեհափառը ընդունեց Երեւանի Հայոց Ցեղասպանութեան
թանգարան-հիմնարկի տնօրէն եւ Հայոց Ցեղասպանութեան 100-ամեակի պետական յանձնախումբի քարտուղար
Հայկ Դեմոյեանը: Հանդիպման ընթացքին արծարծուեցան յիշեալ յանձնախումբին յառաջիկայ
աշխատանքներուն եւ ծրագիրներուն առնչուած հարցեր: