Папская рада па новай евангелізацыі: “Місія ў метраполіях”
11 ліпеня ў Ватыкане
прайшла сустрэча, якую арганізавала Папская рада па новай евангелізацыі. У ёй прынялі
ўдзел кардыналы, арцыбіскупы і біскупы з вялікіх гарадоў Еўропы. Падчас форума ўзнікла
новая пастырская ініцыятыва, звязаная з новай евангелізацыяй у Еўропе. Яна атрымала
назву “Місія ў метраполіях” і пройдзе падчас Вялікага посту 2012 г. у буйных гарадах
Еўропы.
Арцыбіскуп Рына Фізікелла, старшыня Папскай рады па новай евангелізацыі,
патлумачыў, што “Місія ў метраполіях”, гэта душпастырская ініцыятыва, накіраваная
на сталую фармацыю вернікаў у 12 буйных гарадах Еўропы. Па словах іерарха гэта першая
рэакцыя Папскай рады на словы Бэнэдыкта ХVI аб глабальным бачанні сённяшніх праблем.