Расія: Партыярх Кірыл выказаў спачуванні у сувязі з трагедыяй на Волзе
Патрыярх Маскоўскі
і ўсяе Русі Кірыл выказаў спачуванні ў сувязі са шматлікімі ахвярамі у выніку катастрофы
цеплахода “Булгарыя”. “Тое, што адбылося з цеплаходам на Волзе, з’яўляецца трагедыяй
для ўсяго нашага народа. Я малюся аб тым, каб Пан ўмацаваў сёння тых, хто застаўся
ў жывых, і супакоіў душы тых, хто памёр”, - сказаў журналістам Патрыярх, які знаходзіцца
з пастырскай паездкай на Валааме. Прадстаяцель падкрэсліў, што галоўная каштоўнасць,
якая ёсць у людзей, гэта каштоўнасць чалавечага жыцця. “Ніякі прыбытак, рацыянальнасць,
ніякія спосабы дабывання сродкаў не могуць канкураваць з гэтай каштоўнасцю. Менавіта
таму, там, дзе ёсць людзі, павінен быць асаблівы клопат аб іх здароўі і бяспецы”,
- адзначыў кіраўнік Рускай Праваслаўнай Царквы.
Іерарх заклікаў духавенства
быць побач з пацярпелымі і зрабіць усё для таго, каб дапамагчы ім пераадолець гора,
“выкарыстоўваючы для гэтага як духоўныя сродкі, так і матэрыяльную дапамогу”.
“Няхай
дапаможа нам Бог пераадолець гэты смутак і няхай ён наставіць на разумны шлях усіх
нас, дапаможа ўсвядоміць неабходнасць жыць інакш, інакш будаваць свае адносіны, ставіцца
да тэхнікі, але самае галоўнае – да чалавечага жыцця. Без гэтага мы не зможам дасягнуць
тых мэтаў, якія сёння з энтузіязмам перад сабой ставім”, - адзначыў патрыярх Кірыл.