Польшча: першы сумесны яўрэйска-хрысціянскі рэквіем у Едвабне
У Едвабне, невялікай
мясцовасці ва ўсходняй частцы Польшчы, дзе 70 гадоў таму адбыўся пагром, у выніку
якога загінула па меншай меры 340 мясцовых яўрэяў, упершыню адбылася сумесная яўрэйска-каталіцкая
цырымонія ўспаміну ахвяр. Біскуп Мечыслаў Цісла з Любліна падкрэсліў падчас мерапрыемства
10 ліпеня, што магілы ў Едвабне "не павінны нас падзяляць". Ён заклікаў маліцца аб
польска-яўрэйскім "братэрстве".
Прэзідэнт Польшчы Браніслаў Камароўскі, якога
прадстаўляў былы прэм'ер-міністр Тадэвуш Мазавецкі, накіраваў ліст, у якім папрасіў
"прабачэння" за пагром. У адрозненне ад свайго папярэдніка, Аляксандра Кваснеўскага,
ён зрабіў гэта не толькі асабіста, але і "ад імя Рэспублікі". Камароўскі падкрэсліў,
што народ павіннен прызнаць, што ён быў таксама забойцам.
10 ліпеня 1941 г.
палякі ў прысутнасці нямецкіх салдат, сагналі амаль усё яўрэйскае насельніцтва Едвабна
ў хлеў і спалілі жыўцом. Афіцыйная польская гістарыяграфія доўгі час ускладала поўную
адказнасць за гэты акт на нямецкі Вермахт.
Адміністратар Люблінскай архідыяцэзіі,
біскуп Мечыслаў Цісла, быў першым афіцыйным прадстаўніком Каталіцкага Касцёла на мерапрыемстве
ў Едвабне. Ён адказвае ў польскай біскупскай канферэнцыі за дыялог з юдаізмам. Польскія
біскупы некалькі тыдняў таму выказалі афіцыйнае асуджэнне антыяўрэйскіх пагромаў падчас
Другой сусветнай вайны і папрасілі ў ахвяр прабачэння.