Бэнэдыкт XVI выказаў спачуванні ў сувязі са смерцю Ота фон Габсбурга
Тэлеграму на імя Карла
фон Габсбурга, сына памерлага Ота фон Габсбурга, накіраваў папа Бэнэдыкт XVI. У ёй
Пантыфік выказаў сям'і Габсбургаў свае спачуванні. Памерлы быў "вялікім еўрапейцам",
які "нястомна працаваў для справы міру, суіснавання людзей і справядлівага парадку
на гэтым кантыненце", гаворыцца ў апублікаванай сёння сям’ёй Габсбургаў тэлеграме.
Папа
напісаў: "У гадзіну смутку ў сувязі з гэтай трагічнай стратай, я далучаюся да вас
і ўсёй царскай сям'і ў малітве за памерлага. Падчас доўгага і плённага жыцця, эрцгерцаг
Ота стаў сведкам бурнай гісторыі Еўропы".
Кароткі ліст заканчваецца пераказаннем
апостальскага благаслаўлення ўсім, хто смуткуе па памерлым, і абяцаннем малітвы аб
яго вечным шчасці.