2012-2013ի ընթացքին Համաշխարհային Դրամատունը Հայաստանին պիտի տրամադրէ 200 միլիոն
տոլար, աջակցելու համար յետ-ճգնաժամային շրջանի ընթացքին տնտեսական աճի պահպանման՝
բնակչութեան առաւել խոցելի շերտերուն համար:
Այս հարցի շուրջ տեղի ունեցաւ Երեւանի
մէջ տրուած մամլոյ ասուլիսը Համաշխարհային Դրամատան Երեւանեան գրասենեակի ղեկավար Ժան
Միշել Հափիի կողմէ: Համաշխ. Դրամատան խումբը ներկայացուցած է «Հայաստանի ռազմավարական
համագործակցութիւնը» զեկոյցը 2009-2013 թուականի համար: Հոն նշուած են դրամատան աջակցութեամբ
տարբեր մարզերէ ներս առկայ շարք մը ձեռքբերումներ, մասնաւորապէս՝ կենսական նշանակութիւն
ունեցող ճանապարհներու վերակառուցումը, ոռոգման եւ խմելու ջուրի համակարգերը: Կան դրական
արդիւնքներ նաեւ կրթութեան եւ ‘ առողջապահութեան մարզերէն ներս: Իր կարգին Հայաստանի
տնտեսութեան նախարար Վաչէ Գաբրիէլեանը դիտել տուած է, որ տրամադրուող միջոցները պիտի
ուղորդուին առաջնահերթ նկատուող բնագաւառներէն ներս, յատկապէս գիւղա տնտեսութեան մարզէն
ներս: