На некалькі дзён раней,
чым у апошнія гады, пачынаецца сёлетні летні адпачынак Папы. Сёння, ён і яго акружэнне,
а таксама падраздзяленні Швейцарскай гвардыі і ватыканскай жандармерыі кіруюцца з
Ватыкана ў Апостальскі Палац у Кастэль Гандольфа, у 25 км ад Рыму, дзе размяшчаецца
летняя рэзідэнцыя Пантыфікаў.
Ранейшы адпачынак звязаны перш за ўсё з Сусветнымі
днямі моладзі 18-21 жніўня ў Мадрыдзе, куды накіруецца 84-гадовы Папа. Гэты моладзевы
форум, а таксама літаратурная праца, сталі повадам адмовы ад адпачунку ў гарах, куды
запрашалі Святога Айца адміністрацыі Валле-д'Аоста і Паўднёвага Тыролю. Папа жадае
завяршыць трэцюю і апошнюю частку сваёй кнігі “Езус з Назарэту”. У Кастэль Гандольфа
існуюць лепшыя ўмовы працы, бо кнігі, дакументы і запісы з кабінета ў Ватыкане могуць
быць дастаўлены сюды нашмат хутчэй.
Як паведаміла сёння Прэфектура папскага
дому, на працягу ліпеня адмяняюцца ўсе афіцыйныя мерапрыемствы, нават агульныя аўдыенцыі
ў сераду. Тым не менш, Папа можа прыняць таго ці іншага замежнага дзяржаўнага дзеяча,
калі той тэрмінова патрабуе аўдыенцыі. Але ліпень ў першую чаргу служыць адпачынкам
пасля знясільваючых месяцаў са шматлікімі буйнымі падзеямі: беатыфікацыяй Яна Паўла
II, падарожжамі ў Венецыю, Харватыю і Сан-Марына, мерапрыемствамі звязанымі з 60-гадовым
юбілеем святарства Бэнэдыкта XVI.
На пачатку жніўня, Папа адновіць актыўную
дзейнасць: 3 жніўня адбудзецца першая пасля летняга адпачунку агульная аўдыенцыя,
Пантыфік правядзе св. Імшу ў парафіяльным касцёле Кастэль Гандольфа ва ўрачыстасць
Унебаўзяцця. А праз дзесяць дзён Папа будзе прымаць “Кола студэнтаў Ратцынгера”. Яны
будуць размаўляць у гэтым годзе пра новую евангелізацыю.
Акрамя таго, Бэнэдыкта
XVI прысвеціць час у Кастэль Гандольфа на падрыхтоўку да візіту на сваю Радзіму, у
Германію. У бліжэйшыя некалькі дзён з'явіцца афіцыйная праграма гэтага падарожжа.
Папа працягне працаваць над прамовамі і гаміліямі падчас мерапрыемстваў і св. Імшаў,
якія пройдуць у Берліне, Эрфурте і Фрайбургу. Самым буйным міжрэлігійным мерапрыемствам,
да якога безумоўна будзе рыхтавацца ў Кастэль Гандольфа Святы Айцец, стане малітва
за мір, якая пройдзе з удзелам лідэраў сусветных рэлігій, 27 кастрычніка ў Асізі.