Эфіёпскі прынц заклікае Еўропу не падтрымліваць афрыканскіх дыктатараў
Еўропа не павінна
больш падтрымліваць афрыканскіх дыктатараў. З такім заклікам да палітыкаў звярнуўся
пляменнік апошняга імператара Эфіёпіі Асфа-Воссэн Ассэрат. "Мой кантынент выступае
зараз не толькі супраць мясцовых дэспатаў. - сказаў ён - Паўстанні з'яўляюцца таксама
ясным знакам для Еўропы: скончце, нарэшце, дапамагаць нашым дыктатарам". Ассэрат знаходзіцца
ў Вене па запрашэнні фонду “Pro Oriente”.
Ён нагадаў, што аўтарытарныя лідэры
такія, як Мубарак і Кадафі, прымаліся Захадам па эканамічных матывах "як багі", цалкам
не зважаючы на тое, што яны рабілі з уласным народам. Гэта "рэальная палітыка падману",
нарэшце, павінна спыніцца, сказаў Ассэрат. На яго думку, ніхто не можа казаць у нядзелю
выбаршчыкам у Еўропе пра дэмакратыю і правы чалавека, а затым, у панядзелак, ажыццяўляць
палітыку з дакладнасцю да наадварот у Афрыцы.
Эфіёпскі прынц адзначыў, што
"калі дыктатары будуць ведаць, што Еўропа сур'ёзна да іх ставіцца, яны не адважацца
прыгнятаць свой народ. І афрыканскія краіны, нарэшце, з дэмакратычна абранымі палітыкамі
атрымаюць рэальны шанец весці годнае існаванне".