Папа прывітаў удзельнікаў форума членаў Біскупскіх Канферэнцый Усходняй Афрыкі
4 чэрвеня ўдзельнікі
святкавання 50-годдзя Асацыяцыі членаў Біскупскіх Канферэнцыі Усходняй Афрыкі, якое
праходзіць у сталіцы Кеніі, Найробі, атрымалі святочнае пасланне Святога Айца падпісанае
кардыналам Дзяржсакратаром Тарчызіо Бэртонэ. Іерарх адзначае, што “Папа моліцца аб
Божым благаслаўленні для афрыканскага народа і каб слова Евангелля узбагачала іх асабістыя
адносіны з Хрыстом, каб жыхары Афрыканскага кантынента маглі ясна і адважна супрацьстаяць
выклікам і пераменам, якія стаяць перад імі”.
Святкаванне 50-годдзя Асацыяцыі
членаў Біскупскіх Канферэнцыі Усходняй Афрыкі празодзіць у Найробі з 29 чэрвеня па
7 ліпеня. Гэта арганізацыя, заснаваная ў 1961 г., аб’ядноўвае каталіцкіх біскупаў
з Кеніі, Уганды, Судана, Эрытрэі, Эфіопіі, Танзаніі, Малаві і Замбіі. У Пленарнай
асамблеі якая прымеркавана да юбілею прымаюць удзел каля 350 дэлегатаў. На пачатку
святочнага форума старшыня біскупскай арганізацыі адзначыў важнасць супрацоўніцтва,
якое вядзецца паміж дзяржавамі Усходняй Афрыкі і Касцёлам ў справе паляпшэння ўмоваў
жыцця насельніцтва. Акрамя таго, удзельнікі сустрэчы абмяркоўваюць сучасныя выклікі,
якія стаяць перад Касцёлам у Афрыцы: рост насельніцтва, адносіны паміж Касцёлам і
СМІ, выхаванне святароў, адкрыццё новых Каталіцкіх універсітэтаў, праблемы беднасці,
голаду і хваробаў, евангелізацыя і адукацыя, інкультурацыя і многія іншыя.