Бэнэдыкт ХVI: хрысціянская супольнасць павінна сведчыць аб адзінстве
2 ліпеня Бэнэдыкт
ХVI сустрэўся з пілігрымамі з італьянскай дыяцэзіі Альтамура-Гравіна-Аквавіва дэлле
Фонці. Святы Айцец звярнуў увагу на Касцёл як таямніцу адзінства. “Касцёл – гэта не
грамадская дабрачынная арганізацыя. Ён з’яўляецца супольнасцю Бога, супольнасцю, якая
верыць, любіць, паважае Езуса і адкрывае свае “ветразі” на подых Святога Духа і таму
з’яўляецца супольнасцю здольнай евангелізаваць”, - сказаў Папа.
Святы Айцец
звярнуў увагу на патрэбу шматлікіх мужчын і жанчын сустрэць Хрыста. “Сённяшні свет
адзначаны святлом і цемрай. Мы з’яўляемся сведкамі складаных адносін: бачым няроўнасць
у грамадстве, самалюбаванне, імкненне да ўладання і спажывання, да пачуццяў і памкненняў
без адказнасці”, - звярнуў увагу Святы Айцец.
Ён падкрэсліў, што прычынай гэтага
з’яўляецца адмова ад трансцэндэнтнага вымярэння чалавека і яго адносін з Богам. Пантыфік
адзначыў, што “дзякуючы сустрэчы з Хрыстом і аб’яднанню з Ім, хрысціянская супольнасць
сведчыць аб адзінстве, адкрывае сябе на служэнне іншым, прымаючы бедных і адчужаных
грамадствам, бачыць абліча Бога ў хворых і патрабуючых”.
Папа заўважыў, што
пастырская дзейнасць у кожнай дыяцэзіі павінна быць накіравана на фармацыю асоб сталых
у веры, паслядоўных ў ёй, каб святло Хрыста заяснела сярод ўсіх.