Պենետիկտոս ԺԶ Քահանայապետը ճշմարիտ Հովիւի Պատկերն Է։

Կորկ Ռացինկեր` մեծ եղբայրը Պենետիկտոս ԺԶ Քահանայապետին՝ խօսելով իր եղբօր քահանայական ձեռնադրութեան 60ամեակին մասին, Իտալական Ավվենիրէ օրաթերթին հետ, ըսաւ թէ Պենետիկտոս ԺԶ Քահանայապետը որպէս քահանայ, դասատու, եպիսկոպոս, կարտինալ եւ ապա Քահանայապետ միշտ մարմնաւորած է հովիւի տիպարը։ Իմ գնահատումով, յարեց Կորկ Ռացինկեր որ ինք եւս իր եղբօրը հետ քահանայ ձեռնադրուած է 29 յունիս 1951-ին, իմ եղբայրս կրնայ դառնալ օրինակ՝ որովհետեւ ամբողջովին նուիրուեցաւ իր կոչումին եւ բնաւ նախասիրութիւն չէ կատարած իր անհատական նախընտրութիւններուն։