Աննախադէպ բռնութեան դէպքեր տեղի ունեցան երէկ ալ Աթէնքի կեդրոնէն ներս, Սինտաղմայի հրապարակի
շրջակայքին, երբ ոստիկանական ջոկատները «թոներով» կազեր արձակեցին համախմբուած ժողովուրդին
դէմ: Միաժամանակ,երէկ, կէսօրին խորհրդարանի դահլիճէն ներս տեղի ունեցաւ կառավարութեան
տնտեսական օրինագիծի քուէարկումը, որ 155 քուէներ կեդրոնացուց,138 երեսփոխաններ ՈՉ քուէարկեցին
խնայողական միջոցառումներու ծրագրին :Նախապէս վարչապետ Եորղոս Փափանտրէու խօսք առնելով
խորհրդարանի բեմէն, կոչ ուղղած էր երեսփոխաններուն՝ թեր քուէարկել օրինագիծին, պարտադրելով
կերպով մը «կամ թեր կը քուէարկէք, կամ կը կորսուինք» գաղափարը: Այսօր Հինգշաբթի
Յունաստանի խորհրդարանը դարձեալ հրաւիրուած է նոր քուէարկութիւն մը կատարելու, որ կը
վերաբերի տնտեսական օրինագիծի գործադրութեան քայլերուն: Երեսփոխաններէն շատեր մտահոգութիւն
կը յայտնեն, թէ օրինագիծով նախատեսուած քաղաքականութիւնը արդիւնք պիտի չբերէ: Համայնավար
կուսակցութեան անդամները դէմ կանգնած են օրինագիծին, մինչ ԼԱՕՍ՝ հակառակութիւն յայտնած
է եւրոպական եռեակի խիստ վերահսկողութեան դերին կապակցութեամբ: