Святы Айцец прызначыў новага Апостальскага Адміністратара Пінскай дыяцэзіі
30 чэрвеня Святы Айцец
прызначыў Арцыбіскупа Тадэвуша Кандрусевіча, Мітрапаліта Мінска-Магілёўскага, Апостальскім
Адміністратарам Пінскай дыяцэзіі “ad nutum Sanctae Sedis”.
Арцыбіскуп Кандрусевіч
змяніў на гэтай пасадзе кардынала Казіміра Свёнтка, які займаў яе з 1991 г. Найстарэйшы
іерарх Касцёла ў Беларусі знаходзіцца ўжо на працягу некалькіх месяцаў у цяжкім стане.
Урачы Пінскай раённай бальніцы змагаюцца за яго жыццё.
Арцыбіскуп Кандрусевіч
быў першым іерархам Касцёла ў Беларусі пасля камуністычных часоў. 25 ліпеня 1989 г.
Святы Айцец Ян Павел ІІ прызначыў яго тытулярным біскупам Гіпона-Дзарыцкім і Апостальскім
Адміністратарам Мінскай дыяцэзіі для католікаў у Беларусі. 13 красавіка 1991 г. Тадэвуш
Кандрусевіч быў менаваны арцыбіскупам і прызначаны Апостальскім Адміністратарам для
католікаў лацінскага абраду еўрапейскай часткі Расіі. Пасля 16 гадоў пастырскага служэння
ў Расіі, 21 верасня 2007 г., Святы Ацец Бэнэдыкт XVI менаваў Тадэвуша Кандрусевіча
арцыбіскупам Мітрапалітам Мінска-Магілёўскім, перавёўшы яго з архідыяцэзіі Маці Божай
у Маскве.