З 25 чэрвеня па 2
ліпеня у Рыме праходзіць 37-я сесія генеральнай канферэнцыі FAO, арганізацыі ААН па
пытаннях харчавання і сельскай гаспадаркі. У сустрэчы прымае ўдзел арцыбіскуп Луіджы
Траваліно, пастаянны назіральнік Апостальскай Сталіцы пры гэтай арганізацыі. У сваёй
прамове, падчас пасядэння форума, ён звярнуў увагу на тое, што ў свеце змяншаюцца
запасы ежы і назіраецца пагроза харчовай небяспекі. “Гэта асабліва ўскладняе жыццё
людзей, якія ўжо зараз церпяць голад”, - адзначыў іерарх.
“Урады краін і міжнародная
супольнасць пакліканы да таго, каб не капітуліраваць перад абліччам голаду і адсутнасці
харчавання”,- адзначыў арцыбіскуп Траваліно. Ён указаў на неабходнасць забяспечыць
кожнай чалавечай асобе годныя ўмовы жыцця. “Мы павінны развіваць сельскую гаспадарку,
якой сёння пагражаюць эканамічны крызіс, прыродныя катаклізмы, а таксама неадказныя
дзеянні чалавека, што скіраваны на задавальненне ўласных інтарэсаў, у той час калі
неабходна пачаць барацьбу з беднасцю і голадам. У гэтай сферы недастатковай з’яўляецца
дзейнасць FAO, але патрэбны таксама намаганні краін, членаў гэтай міжнароднай арганізацыі”,
- падкрэсліў іерарх.
У сваёй прамове ён звярнуў увагу на стратэгічную ролю
сельскай гаспадаркі і на неабходнасць падтрымкі сем’яў, што жывуць у сельскай мясцовасці.
“Яны павінны таксама ўдзельнічаць у прыняцці рашэнняў, што закранаюць іх інтарэсы”,
- падкрэсліў арцыбіскуп Траваліно.