Գարեգին Բ Ամենայն Հայոց Կաթողիկոսի Հովուապետական Այցը Սան Պետերբուրգ։
27 Յունիսին սկիզբ առաւ Ամենայն Հայոց Կաթողիկոսի հովուապետական այցը Սան-Պետերբուրգ
որուն ընթացքին վեհափառը կը մասնակցի հայ համայնքի 300-ամեակին նուիրուած միջոցառումներուն։
Օդակայանին մէջ Վեհափառը դիմաւորուեցաւ Նոր Նախիջեւանի եւ Ռուսիոյ հայոց թեմի
առաջնորդին եւ հայ համայնքի ներկայացուցիչներուն կողմէ։ Գարեգին Բ նախ այցելեց
Ս Կատարինէ հայկական եկեղեցին, ուր ան յորդորեց ժողովրդը աջակից ըլլալու եկեղեցական-համայնքային
կեանքի ամրութեան եւ գեղեցիկ իրագործումներու եւ ձեռքբերումներու։ Նոյն օրը ազգային
գրադարանին մէջ Ամենայն Հայոց կաթողիկոսը կատարեց ՜՜ Հայ-ռուսական հոգեւոր կապեր՝՝ խորագրով
հայկական գիրքերու ցուցահանդէսի բացումը եւ իր գնահատանքը յայտնեց ցուցահանդէսի կազմակերպիչներուն։
Աւարտին Վեհափառը,այցելեց հին ձեռագիրներու բաժինը, ուր ծանօթացաւ գրադարանին մէջ
պահուող հայկական ձեռագրերուն։