Խօսէ Կրացիանօ Տա Սիլվան՝ Ընտրուեցաւ Մակի Պարենամթերային Ու Գիւղատնտեսական Կազմակերպութեան՝ (FAO ի) Տնօրէն։

Շաբաթ 25 յունիսէն մինչեւ 2 յուլիս, Մակի պարենամթերային եւ գիւղատնտեսական կազմակերպութինը (FAO ը՝) Հռոմի մէջ գումարեց իր 37-րդ համաժողովը որուն ընթացքին նախատեսուած էր FAO ի ընդհանուր նոր տնօրէնի ընտրութիւնը յունուար 2012 - յուլիս 2015 շրջանին համար։
Կիրակի 26 յունիսի ընտրական քուէարկութեան աւարտին պրազիլցի Խօսէ Կրացիանօ Տա Սիլվան ստանալով 92 ձայն՝ ընդհանուր 180-ի վրայ, ընտրուեցաւ որպէս FAO ի՝ նոր տնօրէն։
Խօսէ Կրացիանօ Տա Սիլվան եղած է Պրազիլի սննդառութեան արտակարգ նախարար ու պատասխանատուն <<զէրօ անօթութիւն>> ծրագրին։
2006 էն ի վեր FAO ի՝ մէջ կը պաշտօնավարէր որպէս Լատինա Ամերիկայի ներկայացուցիչ ու Ընդհանուր Տնօրէնի տեղապահ։
Ան ծնած է 17 նոյեմբեր 1949-ին (բնիկ իտալացի է) ամուսնացած է ` ունի երկու զաւակ եւ երկու թոռնիկներ։ Սահուն կերպով կը խօսի Անգլերէն` Սպաներէն եւ Բորթուկալերէն։
Խօսէ Կրացիանօ Տա Սիլվան կը հանդիսանայ FAO ի 8-րդ Տնօրէնը. ան կը յաջորդէ Սէնէկալցի Ժագ Տիուֆին։

Նշենք որ Մակի Պարենամթերային ու Գիւղատնտեսական Կազմակերպութիւնը հիմնուած է 1945-ին, Գանատայի Քէպէք նահանգին մէջ։