27 чэрвеня ў Залі
Друку Апостальскай Сталіцы адбылася прэзентацыя новага ватыканскага мультымедыйнага
партала www.news.va, які пачне сваю працу з 29 чэрвеня. Прадставіў новы праэкт старшыня
Папскай рады па сродках масавай камунікацыі арцыбіскуп Клаўдыё Марыя Чэллі.
Іерарх
адзначыў, што прысутнасць Апостальскай Сталіцы ў сферы камунікацыі мае ўжо вельмі
доўгую гісторыю. “Дастаткова ўзгадаць аб 150-годдзі “L’Osservatore Romano” і 80-годдзі
Ватыканскага радыё. - сказаў арцыбіскуп Чэллі - акрамя таго, дзейнічае Ватыканскі
інфармацыйны цэнтр і агенства “Fides”, звязанае з Кангрэгацыяй Евангелізацыі Народаў
і самой Апостальскай Сталіцай, а таксама Ватыканскі тэлівізійны цэтнр”.
“З
29 чэрвеня, з дапамогай партала www.news.va, з’явіцца магчымасць атрымліваць галоўныя
навіны апублікаваныя ці распаўсюджаныя іншымі ватыканскімі СМІ”, - адзначыў іерарх.
Арцыбіскуп Чэллі расказаў, што новы сайт дасць магчымасць атрымліваць галоўныя навіны:
надрукаваныя ці перадзеныя з дапамогай Ватыканскага радыё, а таксама выявы і відэа-матэрыялы
зробленыя Ватыканскім тэлэвізійным цэнтрам. “Навіны будуць тычыцца дзейнасці і навучання
Святога Айца і дэкастэрый Апостальскай Сталіцы, а таксама найбольш важных падзей,
якія адбываюцца ў свеце або звязаных з жыццём розных Цэркваў”. Іерарх адзначыў, што
на працягу першых некалькіх месяцаў, сайт будзе дзейнічаць на двух мовах: італьянскай
і англійскай, але восенню, пасля першых абнаўленняў сайта і будзе дададзена яшчэ адна
мова, магчыма іспанская, французская ці партугальская.
Акрамя таго, арцыбіскуп
Чэллі, расказаў, што новы партал будзе змяшчаць толькі тыя навіны, якія перадаюць
“L’Osservatore Romano”, Ватыканскае радыё і іншыя ватыканскія СМІ. “Усе сродкі масавай
інфармацыі захаваюць сваю аўтаномію і ідэнтычнасць, што будзе бачна праз прадстаўленне
зробленых імі навін на новым партале. - сказаў іерарх. “Тое самае тычыцца сайта www.vatican.va,
які не знікне, але захавае сваю функцыю, якая заключаецца ў тым, каб распаўсюджваць
навучанне Святога Айца. Ад самага пачатку гэта быў дакументальны сайт. Ён такім і
застанецца і працягне працу ў поўнай гармоніі з новым парталам”, расказаў падчас прэзентацыі
новага ватыканскага інфармацыйнага сайта www.news.va арцыбіскуп Чэллі.