Գարեգին Բ.ի Հովուապետական Այցը Սան-Պետերսբուրգ եւ Ռիկա Քաղաքները։
Յունիսի 27-ին սկիզբ կ՝առնէ Գարեգին Բ. Ամենայն Հայոց Կաթողիկոսի քառօրեայ հովուապետական
այցը Սան-Պետերսբուրգ (Ռուսիա) եւ Ռիկա (Լատվիա) քաղաքները։ Սանկտ-Պետերբուրգի մէջ
վեհափառը ներկայ կը գտնուի տեղւոյն հայ համայնքի 300-ամեակին նուիրուած միջոցառումներուն։
Սալտիկով-Շեդրինի անուան ազգային գրադարանին մէջ Ամենայն Հայոց Կաթողիկոսը կը կատարէ
՜՜Հայ-ռուսական հոգեւոր կապեր՝՝ խորագրով հայկական գիրքերու ցուցահանդէսի բացումը, ինչպէս
նաեւ կը նախագահէ Սանկտ-Պետերբուրգի Հայ-ռուսական բարեկամութեան մշակութային կենդրոնի
օրհնութեան եւ բացման արարողութիւնը։ Յունիսի 29-ին Գարեգին Բ կը մեկնի Ռիկա, ուր
յունիսի 30-ին կը հանդիսապետէ Ռիկայի Ս Գրիգոր Լուսաւորիչ հայկական եկեղեցւոյ օծման արարողութիւնը,
եւ հայրապետական իր օրհնութիւնը կը բաշխէ Լատվիաբնակ հայորդիներուն։