Панама: біскупы занепакоены выкарыстаннем дзіцячай працы
Каталіцкі Касцёл ў
Панаме сцвярджае, што ў краіне пражывае больш за 60 тысяч дзяцей, якіх прымушаюць
да цяжкай працы. Мітрапаліт Панамы арцыбіскуп Хазэ Дамінга Уллоа Мэндета заклікаў
урад краіны змагацца з гэтай сацыяльнай паталогіяй.
Арцыбіскуп адзначыў, што
для працы ў сельскай гаспадарцы і прамысловасці выкарыстоўваюцца дзеці ва ўзросце
ад 5 гадоў. “Дзеці-рабы працуюць шмат і не маюць ніякай юрыдычнай абароны”, - заявіў
іерарх. Ён падкрэсліў, што многія з іх не ходзяць у школу і часта апынаюцца на ўскраіне
грамадства, бо на усё жыццё застаюцца непісьменнымі.