Кардынал Бэртонэ ўзначаліў св. Імшу для членаў “Асацыяцыі св. апосталаў Пятра і Паўла”
25 чэрвеня перад сустрэчай
са Святым Айцом, члены “Асацыяцыі св. апосталаў Пятра і Паўла” прынялі ўдзел у св.
Імшы, якую ўзначаліў кардынал Дзяржсакратар Тарцызіо Бэртонэ. Літургія прайшла ў ватыканскай
базыліцы.
У сваёй гаміліі іерарх звярнуў увагу на тое, што вернасць і служэнне
Намесніку св. Пятра, з’яўляюцца галоўнымі аспектамі дзейнасці Асацыяцыі. Кардынал
Бэртонэ заклікаў новых членаў арганізацыі да развіцця моцнай веры, любові і частай
малітвы.
“Перш за ўсё, неабходна быць людзьмі веры, паглыбляючы яе праз вывучэнне
Катэхізіса і асноўных дакументаў Каталіцкага Касцёла. - сказаў кардынал - Вера заўсёды
патрабуе разважання, каб зразумець яе”. Акрамя таго, іерарх адзначыў, што вера без
любові з’яўляецца частковай: “Вернік пакліканы даць уласнае сведчанне сваёй веры,
якое выражаецца ў любові да братоў, асабліва хворых, бедных, пакутуючых”. Кардынал
Бэртонэ дадаў, што душой хрысціянскага жыцця з’яўляецца малітва і ўдзел у новай евангелізацыі
да якой заклікае Папа”.