Вядома праграма ўдзела Святога Айца у Сусветным дні моладзі
25 чэрвеня Заля Друку
Апостальскай Сталіцы апублікавала праграму візіта папы Бэнэдыкта ХVI у Мадрыд з нагоды
Сусветнага дня моладзі, які пройдзе 18-21 жніўня 2011 г.
Святы Айцец прыбудзе
ў Мадрыд 18 жніўня. Вечарам гэтага дня адбудзецца першая сустрэча Папы з удзельнікамі
моладзевага форума. Яна пройдзе на плошчы Дэ Чыбэлес. 19 жніўня, Папа сустрэнецца
з Іх Высокасцю Каралеўскай сям’ёй Іспаніі ў палацы Дэ ла Сарсуэла. Акрамя таго, Пантыфік
прыме ўдзел у сустрэчы маладых святароў і законнікаў, а таксама звернецца з прамовай
да маладых універсітэцкіх выкладчыкаў. Вечарам 19 жніўня Святы Айцец узначаліць набажэнства
Крыжовага шляху.
У суботу 20 жніўня, некаторыя ўдзельнікі Сусветнага дня моладзі,
будуць мець магчымасць споведзі ў Святога Айца, а вечарам Папа прыме ўдзел у вігілійным
малітоўным чуванні. Нарэшце, у нядзелю 21 жніўня, адбудзецца кульмінацыйны момант
форума - св. Імша з удзелам Пантыфіка, якая пройдзе на тэрыторыі аэрапорта “Cuatro
Vientos” у Мадрыдзе. Падчас яе будзе абвешчана дата і месца наступнага Сусветнага
дня моладзі.