22-24 чэрвеня ў Будапешце
пройдзе другі этап экуменічнай сустрэчы арганізаванай Канферэнцыяй Цэркваў Еўропы.
Мэтай гэтага спаткання будзе працяг разважанняў пачатых у мінулым годзе ў швейцарскім
Босэ, у святле падзей якія ахарактаразавалі экуменічны дыялог у Еўропе на працягу
апошніх месяцаў, а таксама з улікам выпадкаў неталерантнасці і гвалту ў адносінах
да хрысціян.
Падчас сустрэчы ў Будапешце ўвага яе удзельнікаў будзе скіравана
на тое, каб паглыбіць тэалагічныя разважанні і нанава адкрыць карані шляху да адзінства,
якое блізка звязана з місіяй Касцёла. “Цэрквы больш не могуць жыць у стане падзелаў,
пасля амаль цэлага стагодзя словаў і ўзаемных экуменічных жэстаў”, - адзначаюць арганізатары
сустрэчы. Падчас форума будуць абмяркоўвацца таксама розныя пункты гледжання на адзінства,
якія прысутнічаюць у Цэрквах і натхняюць экуменічны дыялог. У гэтым кантэксце будуць
прадстаўлены каталіцкае, лютэранскае, метадыскае і праваслаўнае бачанне адзінства
хрысціян.
Акрамя таго, сустрэча ў Будапешце будзе прысвечана не толькі аналізу
сучаснай сітуацыі, але таксама і гісторыі экуменічнага дыялога на працягу ХХ ст. “Менавіта
на працягу гэтага гістарычнага перыяда хрысціяне больш адчулі наколькі важным з’яўяляецца
блізкае ўзаемнае знаёмства і пераадоленне негатыўных стэрэатыпаў. - адзначаюць арганізатары
форума у Будапешце - Шлях да адзінства не лёгкі, але камісія па дыялогу паміж Цэрквамі
свядомая гэтага і таму на працягу доўгіх гадоў падтрымлівае хрысціянскі экуменічны
дыялог, а таксама міжрэлігійны. Гэта падтрымка ажыцяўляецца праз заклік да тэалагічных
разважаннях, якія дапамагаюць разуменню і ўмацаванню супольнага абвяшчэння Евангелля
ў Еўропе, перад абліччам выклікаў секулярызацыі, што спрабуе выкрэсліць хрысціянскія
каштоўнасці з грамадскага жыцця”.