21 чэрвеня Заля Друку
Апостальскай Сталіцы паінфармавала, што 11 верасня Святы Айцец наведае італьянскі
горад Анкону, з нагоды ХХV Нацыянальнага Эўхарыстычнага Кангрэса. Будзе гэта 24 пільгрымка
Наступніка Пятра па тэрыторыі Італіі.
Бэнэдыкт ХVI прыбудзе ў Анкону ў першай
палове дня. У 10.00 гадзін пачнецца св.Імша на тэрыторыі мясцовай верфі. Завершыцца
яна малітвай “Анёл Панскі”.
Пасля гэтага ў цэнтры душпастырства “Colle Ameno”
адбудзецца сумесны абед Святога Айца з працаўнікамі і беднымі людзьмі, якім дапамагае
мясцовая дабрачынная арганізацыя “Caritas”. Вечарам у катэдры горада Папа сустрэнецца
з сем’ямі і з духавенствам. Візіт закончыцца сустрэчай з парамі, якія рыхтуюцца да
прыняцця сакрамэнту сужэнства.