Ганконг: дэманстрацыя ў абарону кітайскіх святароў
29 чэрвеня, ў свята
Святых апосталаў Пятра і Паўла, католікі Ганконга арганізуюць дэмантрацыю, падчас
якой будуць патрабаваць вызвалення кітайскіх біскупаў і святароў, што знаходзяцца
ў турмах. Св. Імшу у гэтай інтэнцыі будзе цэлебраваць біскуп Ганконга на пенсіі, кардынал
Зэн Зэ-Кюм. Пасля Эўхарыстыі вернікі прыйдуць да будынку Кітайскага Бюро па адносінах
з Ганконгам і будуць патрабаваць вызвалення ўсіх зняволеных біскупаў і святароў.
Агенцтва
“Asia news” адзначае, што пераследаванні і катаванні духавенства з’яўляецца частым
метадам, які кітайскі рэжым ужывае адносна біскупаў і святароў, што не згаджаюцца
падпарадкавацца Патрыятычнаму Касцёлу Кітая. З сярэдзіны лютага ўмовы для католікаў
у Кітае сталі больш жорсткімі з нагоды страху уладаў, перад пратэстамі падобнымі да
арабскай “вясны народаў”.