Прадстаўнікі Касцёла,
прафсаюзаў і працоўных аб’яднанняў заключылі 20 чэрвеня “Еўрапейскую дамову аб свабоднай
нядзелі”, якая тычыцца справядлівых правоў аб умовах працы.
“Вячэрняя і начная
праца, выхадныя, гарантаваныя законам і нядзелі, як правіла, выключаны з працоўнага
часу, - гаворыцца ў заяве. Нагадваецца, што даследаванні паказваюць, што нестандартны
працоўны рэжым мае сур’ёзныя негатыўныя наступствы для здароўя і бяспекі працаўнікоў.
У дакуменце таксама падкрэсліваецца, што толькі добра абаронены, агульны для
ўсіх вольны ад працы дзень дазваляе ўсебаковы удзел ў культурным, спартыўным, грамадскім
і рэлігійным жыцці. “Нядзеля дае магчымасць правесці час у сям’і. Нерэгулярны рэжым
працы робіць цяжкім, а часам нават немагчымым удзел у сапраўдным сямейным жыцці, што
не дазваляе чалавеку выконваць свае абавязкі у адносінах да дзяцей і іншых членаў
сям’і”, - пішуць аўтары дамовы.
“Еўрапейская дамова аб вольнай нядзелі”,
патрабуе ад еўрапейскіх інстытутаў неабходную абарону нядзелі, як агульнага выхаднога
дня ў Еўрапейскім Саюзе. У распрацоўцы дакумента прынялі ўдзел каля 100 прафсаюзаў,
Каталіцкі Касцёл на чале з Камісіяй епіскапату Еўрапейскага Саюза, а таксама прадстаўнікі
аб’яднання каталіцкіх сем’яў з еўрапейскіх краін.