19 чэрвеня ў французскім
Даксе адбылася беатыфікацыя сястры Маргарыты Рутан, законніцы з кангрэгацыі сясцёр
дачок Міласэрнай любові св. Вінцэнта дэ Паолі, мучаніцы. Урачыстую беатыфікацыйную
Імшу ўзначаліў кардынал Анджэла Амато, прэфект Кангрэгацыі па Кананізацыі па справах
Кананізацыі.
У інтэрв’ю нашаму радыё іерарх расказаў, што сястра Маргарыта
Рутан, на працягу 37 гадоў, аж да самай смерці служыла бедным у шматлікіх бальніцах
Францыі. У 1773 г. будучая благаслаўлёна была прызначана на працу ў Дакс, дзе як настаяцельніца
манаскага ордэну служыла з стараннасцю і прафесійнасцю хворым, бедным і сваім законным
сёстрам.
“Падчас Францускай рэвалюцыі, 1792 г. дзейнасць сясцёр Міласэрнай
Любові была забаронена. Сястра Маргарыта, якая была настаяцельніцай, была арыштавана
ў 1793 г. Яна была заключана ў турму і пасля двух судовых працэсаў, на якіх ёй не
далі магчымасці абараняцца, была казнена 9 красавіка 1974 г. Абвінавачванні былі надуманымі
і даволі агульнымі, а менавіта законніцу абвінавачвалі ў сабатажы рэвалюцыі. На самой
справе сястра Маргарыта адмовілася падпісываць антыкаталіцкую і антыкасцёльную дэкларацыю,
а таксама адмовілася, як настаяцельніца, падпарадкоўвацца новаму настаяцелю прызначанаму
рэвалюцыйным ўрадам – чалавеку антырэлігійнаму і нявераючаму”.
Іерарх адзначыў,
што Рэвалюцыя прывяла не да раю на зямлі, але да тэррору, дзе словы свабоды, роўнасці
і братэрства былі апаганены. На самой справе толькі праз Евангелле гэтыя словы адпавядаюць
праўдзе, таму што звязаны са словам, якое дае ім сапраўднае значэнне – любоў”, сказаў
кардынал Амато.