Сёння я працягваю рабіць агляд «Дабраталюб'я», яго аўтараў і гісторыю яго паўстання.
Нагадваю, што «Дабраталюб'е» - гэта ўнікальная анталогія твораў бліскаўсходніх хрысціянскіх
аўтараў. Творы зборніка прысвечаны духоўнаму жыццю і малітве.
Дабраталюб'е.
Сінайскія айцы ісыхазма
Сябры! Мінулы раз я распавёў аб Сінайскім манастыры
"Святой Кацярыны", які стаў у свой час цэнтрам новай хрысціянскай духоўнасці - ісыхазма.
Сёння я хачу ўзгадаць пра тых падзвіжнікаў, якія ўнеслі найбольшы ўклад у гэтую сістэму
аскетычнай духоўнасці.
Айцом ісыхазма па праве лічыцца Ян Лесвічнік, які стаў
пераломнай фігурай у сінайскай духоўнасці. Ён меў досвед жыцця ў манаскай супольнасці,
а таксама больш за 50 гадоў (!) правёў на пустыні па-за манастыром. Усім вядомы ягоны
твор, які стаў ужо даўно класічным, і называецца «Лесвіца». У ёй ён выкладае асноўныя
прынцыпы аскезы і духоўнай практыкі.
Наступнымі айцамі ісыхазма можна лічыць
сінайскіх манахаў, якія жылі пазней - Ісіхія Сінайскага (у расійскім Дабраталюб'і
тая ж самая праца прыпісаны Ісіхію Ерусалімскаму) ды Філафея Сінайскага. Асноўную
ўвагу ў сваіх працах яны звярнулі на цвярозасць, мір у сэрцы, духоўную барацьбу і
нястомную малітву. Ісіхій напісаў трактат «Аб цвярозасці і малітве», а Філафей працу
пад назвай «Сорак раздзелаў аб цвярозасці».
Сінайская пабожнасёць адрозніваецца
асаблівым стаўленнем да Божага імя. І гэта зразумела, калі мы ўзгадаем, што манастыр
размешчаны на месцы Незгаральнага Куста, дзе Госпад Бог абвясціў сваё Імя Майсею.
Сінайскія манахі развіваюць практыку кароткіх «малітавак» да Ісуса, якія выказваюць
веру ў сілу Яго Імя.
Дабраталюб'е. Канстанцінопальскі перыяд
Як
правіла, духоўныя аўтары належалі да якога-небудзь духоўнаму асяродзя. Такімі асяродзямі,
як я ўжо згадаў былі Егіпецкая пустыня і Сінайскі манастыр. В VII стагоддзі, калі
Егіпет, Палестына і Сірыя былі захопленыя арабамі, узрасло значэнне Канстанцінопаля
(сучаснага Стамбула), як аазіса духоўнага жыцця на хрысціянскім Усходзе.
Важную
ролю ў развіцці Канстанцінопаля, як духоўнага цэнтра, адыгралі манастыры, размешчаныя
ў самім горадзе, так і ў яго наваколлях. Асаблівае месца сярод манастыроў займаў
студыцкі манастыр. Ён быў заснаваны консулам Студыем ў 462 годзе, аднак сваё значэнне
ён набывае ў VIII-IX стагоддзях.
Студыцкія духоўныя аўтары
Вядомасць
студыцкаму манастыру прыносяць слаўныя аскетычныя аўтары. Сярод іх святы Феадор
Студыт (759-826), які на пасадзе ігумена праводзіць рэформу манастырскай жыцця. Пад
час яго кіравання ў манастыры быў распрацаваны статут, прыняты пасля манахамі Афона
ды і іншымі манаскімі супольнасцямі. Гэты статут быў названы студыцкім. Не выпадкова,
што чацвёрты том расійскага Дабраталюб'я змяшчае цалкам і ў поўні творы прападобнага
Феадора.
Наступным гігантам студыцкай духоўнасці можа быць названы Сімеон Новы
Багаслоў. Гэты манах лічыцца найвялікшым візантыйскім містыкам. Студыцкім манахам
быў таксама і Мікіта Сціфат, вучань і біёграф Сімеона. Іх працы знаходзяцца ў пятым
томе расійскага Дабраталюб'я.
Сярод аўтараў Дабраталюб'я, якія па свайму паходжанню
былі з Канстанцінопаля, быў таксама Ільля Празбітар (ён жа Екдык). У духу студийской
духоўнасці пісаў таксама і Пётр Дамаскін (сачыненні якога былі, зрэшты, выключаныя
з расійскага Дабраталюб'я, хоць у грэцкім выданні яны займаюць адно з ключавых месцаў
анталогіі).
Асаблівасці студыцкай духоўнасці
У адрозненні ад
сінайскай духоўнасці, у якой асаблівая ўвага надавалася практыцы (асабістай малітве
і аскезе), студыцкая духоўнасць носіць адбітак супольнага багаслужэння (яно заўсёды
заставалася цэнтрам манаскага жыцця), а таксама актыўнага ўдзелу ў такіх «свецкіх»
справы, як перапісванне рукапісаў і навука. Адносная «актыўнасць» студыцкіх манахаў
у грамадскім жыцці не стала, зрэшты, прычынай падзелу манаскага жыцця на два тыпа
- «актыўнага» і «сузіральнага». Такі падзел адбыўся значна пазней у Рыма-каталіцкай
Царкве.
Падсумоўваючы, можна сказаць, што студыцкая духоўнасць працягвае развіваць
ісыхазм...
На гэтым, дарагія сябры, я развітваюся з вамі да наступнай нядзелі.
У наступнай перадачы я буду далей распавядаць пра Дабраталюб'е і яго аўтараў.