29 чэрвеня Святы Айцец
Бэнэдыкт XVI будзе адзначаць 60-годдзе свайго святарскага пасвячэння. Кіраўнік Залі
Друку Апостальскай Сталіцы кс. Фэдэрыко Ламбардзі, з гэтай нагоды заўважае, ў сваёй
штотыднёвай рубрыцы “Octava Dies”, што ўвесь Касцёл таксама з вялікай радасцю чакае
гэтай падзеі. “Біскупскія Канферэнцыі, заахвочаныя Кангрэгацыяй па справах Духавенства,
заклікаюць да набажэнстваў падзякі, малітвы і эўхарыстычных адарацый у інтэнцыі святарскіх
пакліканняў, каб Пан паслаў новых працаўнікоў у свой вінаграднік”, - кажа кс. Ламбардзі.
Ён адзначае таксама, што жыццё Бэнэдыкта XVI з’яўляецца па-сапраўднаму інтэргальна-святарскім:
“пакліканне ў маладыя гады, выхаванне ў разбуранай семінарыі у пасляваенны перыяд,
пасвячэнне ў 24-гадовым узросце разам са старэйшым братам і групай моладзі загартаванай
у вернасці Богу і Касцёлу”. “Яны глядзелі на прыклады маладых святароў, такіх як Алоізій
Андрыцкі, забіты ў 1943 г. ва ўзросце 31 года ў Дахаў і абвешчаны благаслаўлёным некалькі
дзён таму, - заўважыў кс. Фэдэрыко Ламбардзі – Алоізій Андрыцкі на пачатку свайго
заключэння ў лагер казаў: “Не на адзін момант не забуду аб сваім святарстве”.
“Папа
Бэнэдыкт XVI скіраваў да нас словы і разважанні аб святарстве, як і год таму, на заканчэнне
Года святарства. - адзначыў дырэктар Ватыканскага радыё - Адразу разумееш, што яны
нарадзіліся з глыбіні яго ўласнага вопыта і ласкі атрыманай і развітай з вернасцю.
Узгадаем адно з выказванняў Пантыфіка: “Гэта адвага Бога, які людзям даверыў самаго
сябе; ведаючы нашы слабасці, скіроўвае людзей да таго, каб быць здольнымі дзейнічаць
і быць на сваім месцы – гэта адвага Бога, з’яўляецца па-сапраўднаму вялікай рэччу,
схаванай ў слове “святарства”.
Кс. Фэдэрыко Ламбардзі заклікаў да малітвы за
Папу, просячы, каб прыклад яго пакоры і вернасці служэнню гэтай Божай адвазе, стаў
эфектыўным стымулам для нараджэння новых пакліканняў і святасці для ўсіх святароў.